+ © 2022 Privé

Varisito Ndayishimiye mw’ihwaniro i Bujumbura muri 2018. © 2022 Privé

Inyuma y’imyaka ibiri, nta butungane ku bwicanyi ku mvo za politike

Ikete ryuguruye ku mukuru w’igihugu Varisito Ndayishimiye

Ku wa 30 Ruheshi 2022

Mw’ikete ryuguruye, Initiative pour les droits humains au Burundi isaba Umukuru w’igihugu Varisito Ndayishimiye kugira ico akoze gikomeye kugira arandurane n’imizi ukudahana ku bwicanyi bufatiye ku mvo za politike. « Nyenicubahiro, igihe mwinjira mu mabanga yanyu, abarundi benshi hamwe n’abandi bo mu makungu mukorana bari biyumvira ko mufise imigambi ikomeye yo kunagura ubutungane. Bari bifuje kubaha icizere. Inyuma y’imyaka ibiri, ico cizere caratanguye guhera. »

Ikete riributsa ubwicanyi ku batavuga rumwe na Leta batandatu mu mezi yabanjirije amatora ya 2020. Ku bwicanyi bumwe gusa muribwo niho habaye igisa n’ubutungane. Ikete rirashimikira kandi kuvyashikiye abatavuga rumwe na Leta canke bafatwa nk’abayirwanya batandatu bishwe, baburiwe irengero, baborejwe igufa canke bakubiswe bikabaviramwo gupfa muri 2021.

+ © 2022 Privé

Umuntu agenda ku nzira muri komine Gashikanwa, intara ya Ngozi, Ruhuhuma umwaka wa 2022. © 2022 Privé

Urugendo rusigaye

Ntwarante 2022

Umwaka wa 2021 ntiwabaye mwiza kugateka ka zina muntu i Burundi. Urwego rw’iperereza rwaraboreje igufa imfungwa ziharurwa mumacumi, bamwe muribo barahasizize ubuzima. Abandi baraburiwe irengero canke bafungirwa mukinyegero. Abenshi muribo ni abanywanyi b’imigambwe itavuga rumwe na Leta.

Icegeranyo c’ishirahamwe Initiative pour les droits humains au Burundi, « Urugendo rusigaye : Uburundi buzorengutsa mu butungane ababwo bagirizwa guhohotera ? », gishira ahabona ihohoterwa rikabije ry’agateka ka zina muntu ribandanya gukorwa mu Burundi, nubwo hari inguvu Leta iriko irakora kugira isura yayo ibe nziza. Murico cegeranyo harimwo amakuru ananonosoye y’ivyakozwe n’abategetsi babiri bagize uruhara mumabi akabije : umukozi w’iperereza Gérard Ndayisenga n’umukomiseri mu gipolisi Moïse Arakaza.

+ © 2016 Privé

Abapolisi bafise ibirwanisho, mw'ibarabara ry'i Bujumbura, Nzero 2016. © 2016 Privé

Inyuma y’umwango w’uruzitiro

Munyonyo 2021

Ico Uburundi bwiyemeje mu bijanye n’agateka ka zina muntu gisa n’ikiriko kirasenyuka. Kuva habaye ibitero vyakozwe n’imigwi y’abitwaje ibirwanisho, amacumi y’abatavuga rumwe na Leta barahagaritswe hadakwirikijwe amategeko, bagirizwa gukorana n’imigwi yitwaje ibirwanisho. Bamwe muri bo bapfungiwe mw’ibanga, bongera baborezwa igufa ku cicaro c’ibiro bikuru vy’igendereza i Bujumbura. Igitigiri c’abantu banyurujwe naco nyene carongerekanye cane.

Icegeranyo « Inyuma y’umwango w’uruzitiro : ababorezwa igufa n’abanyuruzwa baguma bongerekana », kigira amatohoza kuri iryo duga kuva muri Ndamukiza 2021 kikerekana ibikorwa vy’ububisha vya Moïse Arakaza, yari komiseri w’igipolisi mu Mugamba, intara ya Bururi, gushika muri Myandagaro 2021.

Initiative pour les droits humains au Burundi (IDHB) ni umugambi wigenga, ufise intumbero yo kugira ubushakashatsi kubijanye n’agateka ka zina muntu mu Burundi. IDHB yipfuza gushira ahabona imvo ry’ihonyangwa ry’agateka ka zina muntu kugira ishobore kugira ububiko bwizewe buzoshobora gufasha Abarundi gutunganirizwa, ikazoterera mw’iyubahirizwa ry’agateka ka zina muntu.

Inyandiko za IDHB zirihweza kandi ibihe vya politike n’imibano iryo honyangwa ry’agateka ka zina muntu riba ryabereyemwo, kugirango ifashe gutahuza gose kandi neza intumbero y’agateka ka zina muntu mu Burundi.

IDHB nta mugambwe numwe irimwo. Amatohoza yayo yerekeye ihonyangwa ry’agateka ka zina muntu rikorwa na Leta y’Uburundi, hamwe n’amabi akorwa n’imigwi yitwaje ibigwanisho itavuga rumwe na Leta.

IDHB irongowe na Carina Tertsakian, Lane Hartill na Thijs Van Laer, arinabo bashakashatsi bakuru. Haraheze imyaka myinshi bakora kubijanye n’agateka ka zina muntu muri Afrika, mu Burundi no mu karere k’ibiyaga binini. Ivyegeranyo vya IDHB ni icamwa c’ugufashanya n’imigwi y’abantu, bari mu Burundi no hanze y’Uburundi.

Ku wa 30 Ruheshi 2022Inyuma y’imyaka ibiri, nta butungane ku bwicanyi ku mvo za politike : ikete ryuguruye ku mukuru w’igihugu Varisito Ndayishimiye Ntwarante 2022Urugendo rusigaye : Uburundi buzorengutsa mu butungane ababwo bagirizwa guhohotera ?Munyonyo 2021Inyuma y’umwango w’uruzitiro : ababorezwa igufa n’abanyuruzwa baguma bongerekana Ruheshi 2021Ndayishimiye, inyuma y’umwaka ari ku butegetsi : yoba yarakoze ivyo yiyemeje kubijanye n’agateka ka zina muntu ?Ntwarante 2021Rumonge : ibikorwa vy’ihohoterwa n’ubwicanyi kw’izina ry’umutekanoincamake Kigarama 2020Ukwigarurira kazoza k’Uburundi Mukakaro 2020Ubutungane ku bwicanyi bufise imvo za politike : ikete ryuguruye ryandikiwe Perezida Varisito Ndayishimiye Ndamukiza 2020Umuyoboke w’umugambwe canke uwuzanye impinduka ? Umuntu ashobora kuba umukuru w’igihugu c’Uburundi Nzero 2020Amahoro y’igihendabana mu bantu bishwe n’ubwoba : imvo n’imvano z’ingorane zerekeye agateka ka zina muntu mu Burundi

Ruheshi 2020 – Ruhuhuma 2022Ikiguzi c’urupfu ku batavuga rumwe na Leta Ruhuhuma 2022Rasta Ruheshi 2020Richard Havyarimana Ruheshi 2020Désiré Ntahondabasigiye Ruheshi 2020Fauzia Basesuwabo Mukakaro 2020Albert Niyondiko Mukakaro 2020Varisito Nyabenda Mukakaro 2020Jean Bosco Ngabirano

Ivyatangajwe n'amakete yabiherekeje

IDHB yakirana urweze ico muvuga kurizo nyandiko hamwe n’amakuru atomoye kubijanye n’ingene agateka ka zina muntu kifashe mu Burundi. Murashobora kutwandikira kuri : contact@burundihri.org canke kuri +1 267 896 3399 (WhatsApp).

Gukurikira @BHRI_IDHB