L’Initiative pour les droits humains au Burundi

Itanguriro

Initiative pour les droits humains au Burundi (IDHB) ni umugambi wigenga ufise intumbero yo kugira ubushakashatsi kubijanye n’agateka ka zina muntu mu Burundi. IDHB yipfuza gushira ahabona imvo ry’ihonyangwa ry’agateka ka zina muntu kugira ishobore kugira ububiko bwizewe buzoshobora gufasha Abarundi gutunganirizwa, ikazoterera mw’iyubahirizwa ry’agateka ka zina muntu.

Inyandiko za IDHB zirihweza kandi ibihe vya politike n’imibano iryo honyangwa ry’agateka ka zina muntu riba ryabereyemwo, kugirango ifashe gutahuza gose kandi neza intumbero y’agateka ka zina muntu mu Burundi.

IDHB nta mugambwe numwe irimwo. Amatohoza yayo yerekeye ihonyangwa ry’agateka ka zina muntu rikorwa na Leta y’Uburundi, hamwe n’amabi akorwa n’imigwi yitwaje ibigwanisho itavuga rumwe na Leta.

IDHB irongowe na Carina Tertsakian, Lane Hartill na Thijs Van Laer, arinabo bashakashatsi bakuru. Haraheze imyaka myinshi bakora kubijanye n’agateka ka zina muntu muri Afrika, mu Burundi no mu karere k’ibiyaga binini. Ivyegeranyo vya IDHB ni icamwa c’ugufashanya n’imigwi y’abantu, bari mu Burundi no hanze y’Uburundi.

Ruhuhuma 2023Ubucuti budashemeye : ni nde afise ubutegetsi mu Burundi ?Mukakaro 2022Igikorwa co kwiyoberanya : ubutumwa bw’Uburundi mw’ibanga muri Kongo Ku wa 30 Ruheshi 2022Inyuma y’imyaka ibiri, nta butungane ku bwicanyi ku mvo za politike : ikete ryuguruye ku mukuru w’igihugu Varisito Ndayishimiye Ntwarante 2022Urugendo rusigaye : Uburundi buzorengutsa mu butungane ababwo bagirizwa guhohotera ?Munyonyo 2021Inyuma y’umwango w’uruzitiro : ababorezwa igufa n’abanyuruzwa baguma bongerekana Ruheshi 2021Ndayishimiye, inyuma y’umwaka ari ku butegetsi : yoba yarakoze ivyo yiyemeje kubijanye n’agateka ka zina muntu ?Ntwarante 2021Rumonge : ibikorwa vy’ihohoterwa n’ubwicanyi kw’izina ry’umutekanoincamake Kigarama 2020Ukwigarurira kazoza k’Uburundi Mukakaro 2020Ubutungane ku bwicanyi bufise imvo za politike : ikete ryuguruye ryandikiwe Perezida Varisito Ndayishimiye Ndamukiza 2020Umuyoboke w’umugambwe canke uwuzanye impinduka ? Umuntu ashobora kuba umukuru w’igihugu c’Uburundi Nzero 2020Amahoro y’igihendabana mu bantu bishwe n’ubwoba : imvo n’imvano z’ingorane zerekeye agateka ka zina muntu mu Burundi

Ruheshi 2020 – Ruhuhuma 2022Ikiguzi c’urupfu ku batavuga rumwe na Leta Ruhuhuma 2022Rasta Ruheshi 2020Richard Havyarimana Ruheshi 2020Désiré Ntahondabasigiye Ruheshi 2020Fauzia Basesuwabo Mukakaro 2020Albert Niyondiko Mukakaro 2020Varisito Nyabenda Mukakaro 2020Jean Bosco Ngabirano

Ivyatangajwe n'amakete yabiherekeje

IDHB yakirana urweze ico muvuga kurizo nyandiko hamwe n’amakuru atomoye kubijanye n’ingene agateka ka zina muntu kifashe mu Burundi. Murashobora kutwandikira kuri : contact@burundihri.org canke kuri +1 267 896 3399 (WhatsApp).

Gukurikira @BHRI_IDHB

Umunsi w’irekurwa ry’abaronse ikigongwe c’Umukuru w’igihugu: Umukuru w’igihugu Varisito Ndayishimiye ariko ashikiriza ijambo abapfungwa n’abatumire, kw’ibohero rya Mpimba, Bujumbura, ku wa 26 Ndamukiza 2021. © 2021 Privé — + © 2021 Privé

Umunsi w’irekurwa ry’abaronse ikigongwe c’Umukuru w’igihugu: Umukuru w’igihugu Varisito Ndayishimiye ariko ashikiriza ijambo abapfungwa n’abatumire, kw’ibohero rya Mpimba, Bujumbura, ku wa 26 Ndamukiza 2021. © 2021 Privé

Ndayishimiye, inyuma y’umwaka ari ku butegetsi

Yoba yarakoze ivyo yiyemeje kubijanye n’agateka ka zina muntu ?

Ruheshi 2021

Umukuru w’igihugu Ndayishimiye yarakoze ico yari yiyemeje ? Abarundi bamwebamwe bamenyeshako ubugizi bwa nabi bwakorwa n’urwaruka rwo mu mugambwe uri ku butegetsi n’igiturire vyagabanutse, haraba n’icuka ciza mu bijanye n’ibimenyesha makuru. Abandi bamenyesha ko bafise icizere gike, kuko urwego rw’igendereza rubandanya guhohotera atankurikizi, abatavuga rumwe na Leta. Ikindi gihagaritse umutima : urwego rw’ubutungane rurakoreshwa n’abategetsi b’umugambwe uri ku butegetsi n’urwego rw’igendereza, batanga kenshi na kenshi ku bashikirizamanza n’abacamanza intumbero ku kungene imanza za politike zicibwa.

Abarundi batari bake bavugako hakiri kare cane kugira ico bashikirije kuri Ndayishimiye. Baribaza nimba ibimenyetso vyiza vyoba biva ku mutima ariko kandi bakagumana amakenga ku vyo yiyemeje – no ku bushobozi bwiwe – bwo gushira mu ngiro impinduka yemeye.

Nk’uko Umurundi umwe yavyemeje : « Nimba (Ndayishimiye) ari we wenyene ameze neza mu ntwaro (y’umugambwe uri ku butegetsi), ntavyo azoshikako. Ni intwaro yose itegerezwa guhinduka. »

Icegeranyo ca Initiative pour les droits humains au Burundi, « Ndayishimiye, inyuma y’umwaka ari ku butegetsi : yoba yarakoze ivyo yiyemeje kubijanye n’agateka ka zina muntu ? » gishingiye ku biganiro vyakozwe ku Barundi mu bisata bitanu bikuru vy’ubuzima, ica irya nino ivyakozwe n’intambamyi vy’umukuru w’igihugu ku ngorane zihuta zihanze igihugu muvy’agateka ka zina muntu.

Icegerenyo kiri mu gifaransa no mu congereza.