L’Initiative pour les droits humains au Burundi

Umunsi w’irekurwa ry’abaronse ikigongwe c’Umukuru w’igihugu: Umukuru w’igihugu Varisito Ndayishimiye ariko ashikiriza ijambo abapfungwa n’abatumire, kw’ibohero rya Mpimba, Bujumbura, ku wa 26 Ndamukiza 2021. © 2021 Privé
Umunsi w’irekurwa ry’abaronse ikigongwe c’Umukuru w’igihugu: Umukuru w’igihugu Varisito Ndayishimiye ariko ashikiriza ijambo abapfungwa n’abatumire, kw’ibohero rya Mpimba, Bujumbura, ku wa . ©  Privé

Ndayishimiye, inyuma y’umwaka ari ku butegetsi

Yoba yarakoze ivyo yiyemeje kubijanye n’agateka ka zina muntu ?

Umukuru w’igihugu Ndayishimiye yarakoze ico yari yiyemeje ? Abarundi bamwebamwe bamenyeshako ubugizi bwa nabi bwakorwa n’urwaruka rwo mu mugambwe uri ku butegetsi n’igiturire vyagabanutse, haraba n’icuka ciza mu bijanye n’ibimenyesha makuru. Abandi bamenyesha ko bafise icizere gike, kuko urwego rw’igendereza rubandanya guhohotera atankurikizi, abatavuga rumwe na Leta. Ikindi gihagaritse umutima : urwego rw’ubutungane rurakoreshwa n’abategetsi b’umugambwe uri ku butegetsi n’urwego rw’igendereza, batanga kenshi na kenshi ku bashikirizamanza n’abacamanza intumbero ku kungene imanza za politike zicibwa.

Abarundi batari bake bavugako hakiri kare cane kugira ico bashikirije kuri Ndayishimiye. Baribaza nimba ibimenyetso vyiza vyoba biva ku mutima ariko kandi bakagumana amakenga ku vyo yiyemeje – no ku bushobozi bwiwe – bwo gushira mu ngiro impinduka yemeye.

Nk’uko Umurundi umwe yavyemeje : « Nimba (Ndayishimiye) ari we wenyene ameze neza mu ntwaro (y’umugambwe uri ku butegetsi), ntavyo azoshikako. Ni intwaro yose itegerezwa guhinduka. »

Icegeranyo ca Initiative pour les droits humains au Burundi, « Ndayishimiye, inyuma y’umwaka ari ku butegetsi : yoba yarakoze ivyo yiyemeje kubijanye n’agateka ka zina muntu ? » gishingiye ku biganiro vyakozwe ku Barundi mu bisata bitanu bikuru vy’ubuzima, ica irya nino ivyakozwe n’intambamyi vy’umukuru w’igihugu ku ngorane zihuta zihanze igihugu muvy’agateka ka zina muntu.

Icegerenyo kiri mu gifaransa no mu congereza.